Хрватски научник уверува: Паниката е потполно претерана, веќе имавме шест коронавируси
Игор Рудан, еден од најуспешните и најцитирани хрватски научници, член на Кралското друштво во Единбург, им се обрати на новинарите и ја коментираше појавата на коронавирусот.
Тој зборуваше за важноста на одредени информации и нивниот контекст во јавноста.
– Не се случува апсолутно ништо што науката веќе не можеше да го очекува и предвиди; веќе имавме шест коронавируси кај човековата популација, ова сега е седмиот. Многу информации за тоа секогаш се гледаа во медиумите, но ако не се бавите со тие работи нема да знаете кои работи се важни, а кои не се. Гледам дека многу информации се провлекуваат како важни. Кога некој вели 2 проценти починати или 7 проценти починати не е исто кога ќе се каже дека тој податок е за некој дом за стари лица или во вкупната популација – вели Рудан.
Хрватскиот научник додаде дека паниката е претерана.
– Паниката е потполно претерана. Јас за жал не можам да тврдам дека починати од ова нема да има, како што главно има и од грипот и од сообраќајни несреќи, но размерите се друга работа. Што се однесува до мутацијата, би рекол дека коронавирусот би можел да мутира во две насоки – симптомите да станат посилни, но и постои можност тие да станат послаби. Ова не е нешто надвор од она што научниците се занимаваат, немојте да се грижите – уверува Рудан.
Повика да не се претерува со паниката и дека сите заинтересирани можат да ги следат неговите објави за коронавирусот на социјалните мрежи.
Хрватски научник од СЗО: Потребна е претпазливост, но никако паника за коронавирусот