Холандските здравствени власти соопштија дека, врз основа на првичните резултати од тестовите на околу 600 патници, кои вчера со два лета пристигнале на аеродромот „Схипхол” во Амстердам од Јужна Африка, покажуваат дека веројатно десетици од нив биле заразени со коронавирус.

Овие патници биле веднаш изолирани од другите патници на аеродромот поради загриженоста од новооткриениот сој на коронавирусот наречен „омикрон”.

Патниците од двата лета од Јужна Африка вчера веднаш по пристигнувањето во Амстердам со часови чекаа во авионите, а потоа беа тестирани за коронавирус поради загриженоста од новиот вид.

Холандската влада вчера ги забрани сите патувања од Јужна Африка, а министерот за здравство Хуго де Јонге рече дека сите патници кои веќе се на летови ќе мора да бидат подложени на тестирање и карантин по пристигнувањето во Холандија.

Извор: МИА