Хоакин Феникс повторно во улога на Џокер: Објавен датумот на премиерата на психолошкиот трилер
Психолошкиот трилер на Тод Филипс достигна неверојатен успех во 2019 година по што стана еден од најпрофитабилните и најбрзо растечките R-rated филмови на сите времиња, надминувајќи ги претходните рекордери „Deadpool 2“ и „It“.
View this post on Instagram
Филмот нурна длабоко во испревртената психа на Артур Флек, ликот на Феникс, и ги воодушеви фановите на филмската уметност. Продолжението на филмот „Џокер“ ќе се појави во кината ширум светот на 4 октомври 2024 година, соопшти портпаролот на филмската компанија „Warner Bros“.
View this post on Instagram
Хоакин Феникс повторно ќе ја игра главната улога во продолжението на „Џокер“: Лудило за двајца“, пренесува „Ројтерс“.
Феникс доби Оскар за најдобар актер во 2019 година за улогата на Џокер. Други детали за продолжението на филмот сè уште не се соопштени од „Warner Bros“.
View this post on Instagram
Списанието „Variety“ сепак објави дека новиот филм ќе биде мјузикл, а се очекува улогата на соработничката на Џокер, Харли Квин, да ја игра Лејди Гага.
Повеќе написи на темата:
Режисерот Тод Филипс го потврди продолжението на „Џокер“: Хоакин Феникс веќе го чита сценариото!
Се шират гласини: Лејди Гага ќе ја игра Харли Квин во вториот дел на „Џокер“