Хироу е јунакот, Мајами на чекор од финалето на НБА (ВИДЕО)
Кошаркарите на Мајами хит го совладаа Бостон селтикс со 112:109 и поведоа со 3:1 во победи во финалето на Источната конференција.
Мајами до пласманот во големото финале во НБА лигата го дели само една победа. Последен пат Мајами играше пред шест години кога загуби од Сан Антонио спарс со 4:1 во победи.
Херој во третиот триумф во серијата против Бостон е младиот Тајлер Хироу кој постигна 37 поени и постави рекорд на Мајами. Овие 37 поени се највеќе кои се постигнати од дебитант на еден плеј-оф натпревар во историјата на Мајами.
Исто така, Хироу е вториот играч во историјата кој на 20 години постигнал повеќе од 35 поени, првиот е легендарниот Ирвин Меџик Џонсон кој во финалето 1980 година на Филаделфија и уфрли 42 поени.
Кошаркарите на Мајами во најголем дел од првото полувреме имаа предност, но разликата беше минимална. На стартот од третата четвртина „жешките“ за прв пат се одлепија и направија 12 поени предност, но пред стартот на последната четвртина таа предност се стопи и изнесуваше само еден поен (77:76).
Играчите на Бостон успеаја да направат пресврт и да поведат со 85.84 што беше гаранција за неизвесна завршница.
Во неа, Бостон беше тимот кој го бркаше резултатот, на 16 секунди до крајот Џејлен Браун со тројката намали на 107:104. Хироу беше прецизен од линијата за слободни фрлања и ги носи „жешките“ на плус пет (109:104), но Кемба Вокер на идентичен начин намалува на 109:107. Одговорноста во последните моменти ја презеде Џими Батлер кој беше фаулиран и не погреши од слободните фрлања, погоди три пати од четири обиди за конечни 112:109.
Предводник на Мајами во победата беше Хироу со 37 поени, Џими Батлер ддодаде 24 поени, Горан Драгиќ имаше 22 поени, а Бам Адебајо 20 поени и 12 скокови.
На спротивната страна Џејсон Тејтум уфрли 28 поени, Браун додаде 21 поен, а Кемба Вокер 20 поени за Бостон.