Ѓуроски и Аликанте со победнички старт во Шпанија
Во првото коло од групата „Б“, на гостински терен совладана е екипата на Баскет Џирона (83:77).
Овој викенд во Шпанија беше означен и почетокот на натпреварите во ЛЕБ Оро, односно втората шпанска лига. Во групата „Б“ од ова натпреварување е и екипата на ХЛА Аликанте, каде во оваа сезона настапува македонскиот репрезентативец, Стојан Ѓуроски.
А екипата од Аликанте имаше успешен почеток. На гостувањето во Џирона стигнаа и до првиот триумф во сезоната, Ѓуроски и соиграчите славеа со резултат (83:77).
Предност која ја реализираа уште во првата четвртина (23:17), која ја сочуваа до самиот крај на овој премиерен меч во кој нашиот интернационалец одигра 30 минути на паркетот.
Воедно 203. сантиметри високото крило постигна осум поени (0/4 за три, 3/4 за два, и 2/2 за еден поен). Освен тоа стартерот во тимот од Аликанте имаше и по два скока, две асистенции и две загубени топки.
Во наредното коло ХЛА Аликанте е домаќин на Леида, во меч кој е предвиден да се одигра на 23. октомври 2020 година.