Ѓуроски една година во дресот на Аликанте
И од денеска и официјално Стојан Ѓуроски ги стартуваше подготовките со својата нова екипа кои се одвиваат веќе десетина дена. Односно ги истрча првите километри во новата сино-бела „униформа“ на шпанскиот второлигаш ХЛА Аликанте.
Македонскиот репрезентивец успешно ги помина лекарските прегледи и му се приклучи на новиот тим. Во наредната сезона ќе игра во Шпанија, со ХЛА Аликанте се обврза на едногодишна соработка.
По нешто подолга пауза, која ја предизвика појавата на коронавирусот, репрезентативното крило за време на викендот пристигна во Шпанија.
Во изминатите два дена гостиварецот успешно ги помина медицинските како и задолжителните тестирања за Ковид-19.
За играл ова претставува своевидно враќање на Пиринејскиот Полуостров, каде што претходно играше за екипите на Хуеска и Мелилја, екипи кои исто така се дел од ЛЕБ Голд лигата.