Грчкиот инвеститор со текстилната фабрика „Сат-мода“ во Битола, во август годинава го прекинал производството и избегал, велат поранешни вработени за битолскиот сајт Апла.мк.

Тие тврдат дека не само што без најава ставил клуч на фабриката, туку на 150 вработени битолчани им останал должен две плати, за месеците јули и август 2019.

Вработените во „Сат-мода“ и по неколку месеци немаат одговор што се случи во инвеститорот, кој во последниот период ангажирал лица да ги демонтираат машините од фабриката и да ги однесат.

– Не знаеме што се случи со фабриката. До 31 август 2019 работевме и наеднаш се затвори. Газдата Ставрос Саитис ни остана должен две плати, за јули и за август, неисплатен ланскиот одмор како и К-15 за годинава. Оваа фабрика во Битола функционираше од 1994 година, таму беше нашата егзистенција, а еве сега останавме на улица, без пари и со долгови – велат поранешни вработени од фабриката „Сат-мода“.