Денеска во својот втор натпревар на меѓународниот ракометен турнир Струга, екипата на Охрид со 38:28 го совлада турскиот тим на Бурса.

Претходно на отворањето на струшкиот турнир, играчите предводени од тренерот Борис Ројевиќ славеа и против домаќинот Струга со 31:23.

Така, со овие две победи ГРК Охрид на игралиштето „Горан Попоски – Бабец“ обезбеди пласман во големото финале на турнирот.

Противник на тимот на Ројевиќ ќе биде Тиквеш или Бутел, а овие две екипи ќе играат в петок со почеток од 20.40 часот.

Тиквеш стартуваше со победа од 24:20 против Раднички Крагуевац, а претходно српскиот претставник ремизираше со Бутел (32:32).