Грција го отповика амбасадорот во Азербејџан: Нѐ обвинуваат дека толерираме подготовка на терористички напади
Министерството за надворешни работи на Грција денеска објави денеска дека го отповикува својот амбасадор од Азербејџан поради „целосно неосновани и навредливи наводи“ на азербајџанската влада дека Атина толерира подготовка на терористички напади, објави Бета.
Министерството рече дека грчкиот амбасадор е „повикан во Атина на консултации“.
Во соопштението се наведува дека азербејџанската влада тврди дека „Грција толерира подготовка на терористички акти, обиди за регрутирање на терористички борци и кибер напади врз Азербејџан“ поради неговиот судир со Ерменија околу сепаратистичкиот регион Нагорно Карабах.