Грција подготви закон со кој ќе се воведат построги казни за одбиените баратели на азил и ќе се забрза нивното враќање во нивните матични земји, изјави денес премиерот Киријакос Мицотакис.

„Казните ќе бидат повисоки за оние кои нелегално влегуваат во земјата или остануваат во нашата земја ако нивното барање за азил биде одбиено“, рече Мицотакис на состанокот на кабинетот на кој се дискутираше за новиот нацрт-закон за нелегална миграција, објави Ројтерс.

Мицотакис рече дека законот ќе има за цел и да го забрза враќањето на мигрантите во нивните матични земји или во трети земји кои се сметаат за безбедни, преку „поефикасен и пофер механизам“.