Градинките во Гевгелија половично ќе бидат пополнети со деца

Фото: ЕПА

До засегнатите родители беше упатен апел за разбирање и трпение бидејќи се разгледувале и други начини за работа на градинките со полн капацитет.

Централната детска градинка од Гевгелија денеска ги демантираше гласините што се шират меѓу родителите дека повеќе нема да згрижува и сместува деца кои престојуваа во клоновите во Гевгелија и населените места, и потврди дека тоа и понатаму ќе го врши, но со намален капацитет поради новите правила што ги наметнува пандемијата со корона вирусот.

Заради заштита од вирусот и спречување на неговото ширење, протоколот за работа на градинките предвидува тие да продолжат да работат со 50 отсто од вкупниот број на деца што ги згрижувале до сега и тоа во групи составени од по 6 до 15 деца во зависност од нивната возраст.

Градинките во општина Гевгелија одлучија во новонастанатата ситуација приоритет за згрижување да им дадат на децата на самохрани родители кои се во работен однос и деца чии двајца родители се вработени и мора да се наоѓаат на работното место,а не да работат од дома.

– Поради кусиот временски период контактиравме со родителите и од нив побаравме да достават потврди од работното место како доказ дека се во работен однос. Моментно се разгледува нивната веродостојност и доколку се утврдат нерегуларности,можност за згрижување на деца ќе им биде дадена на други родители, велат од градинката.

До засегнатите родители беше упатен апел за разбирање и трпение бидејќи се разгледувале и други начини за работа на градинките со полн капацитет.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот