Новиот забавен парк во Скопје, на местото на стариот лунапарк во Градскиот парк ќе чини 10 милиони евра. Град Скопје склучи договор за проектирање, набавка и за монтажа на реквизити за забавниот парк, објави „Сакам да кажам“ (СДК).

Како што е објавено на страната за Бирото за јавни набавки, договорот е склучен со фирмата „Мастеф“ од Скопје.

Новиот лунапарк ќе се простира на значително поголема површина во споредба со претходниот. Во рамките на новиот забавен комплекс е вклучен и просторот во Градскиот парк каде до неодамна се наоѓаа летните дискотеки.

Проектот предвидува поставување на 20 нови реквизити, прилагодени за различни возрасни групи.

Просторот е дизајниран да прими околу 3.000 посетители дневно. Покрај забавните реквизити, паркот ќе нуди и комплетна придружна инфраструктура, вклучувајќи угостителски објекти, фонтани, продавници за сувенири, билетара и тоалети.

Град Скопје идната недела распишува тендер за лунапарк