Бразилскиот фудбалер Нејмар се најде во центарот на нова правна драма откако неговата поранешна готвачка одлучила да го тужи, објави португалскиот весник „Рекорд“.

Според нејзините тврдења, додека работела во куќата на Нејмар била изложена на исклучително тешки услови за работа. Таа наведува дека секојдневно работела и до 16 часа, од 7 часот наутро до 23 часот навечер и дека морала да подготвува храна за повеќе од 150 луѓе.

Како што тврди, работата не се состоела само од готвење. Готвачката наведува дека често морала да носи парчиња месо тешки и до 10 килограми, како и тешка кујнска опрема, што дополнително го зголемувало физичкиот напор. Исто така тврди дека работела без слободни денови и во текот на работната недела и за време на викендите.

🚨 Neymar is being taken to court by… his former cook. 🧑‍🍳😳

▪️ She claims she regularly worked 16 hours a day at the Brazilian’s home (from 7am to 11pm) and cooked for more than 150 people.

▪️ She says she worked during the week and on weekends, and had to carry 10kg pieces of… pic.twitter.com/D5dV3bUeJq

— Football Tweet ⚽ (@Footballtweet) March 7, 2026

Според нејзините зборови, ваквото темпо на работа со текот на времето довело до здравствени проблеми, особено со грбот и колковите.

Поради сето тоа, таа сега бара Нејмар да ги покрие нејзините медицински трошоци, да ѝ обезбеди парична помош за издржување и 43.000 евра отштета за неплатени прекувремени часови.

Засега бразилската ѕвезда сè уште јавно не се огласила во врска со овие обвинувања.