Горан Пандев објави крај на кариерата: Во иднина се гледа како директор или спортски агент
Горан Пандев во интервјуто за „Гаѕета“ изјави дека ја завршува кариерата како професионален фудбалер на 39 години. Последен клуб на поранешниот македонски репрезентативец беше Парма во италијанската Серија Б.
Најголем дел од својата клупска кариера ја помина во Италија, беше еден од клучните играчи на Интер предводен од Жозе Мурињо кога во 2010 година се закити со титулата во Лигата на шампионите.
Пандев се потсети на неговото доаѓање во милански Интер. Пандев им се приклучи на „нераѕурите“ на средината на сезоната откако го раскина договорот со Лацио. Македонецот не постигна договор со Лацио и го одвоија од тимот. Шест месеци без тренинг или играње. Спорот беше изведен пред суд кој пресуди во корист на Пандев. Напаѓачот ја објасни ситуацијата: „Фудбалот е чуден: за една година почнуваш лошо, не играш, си надвор од тимот и не знаеш што се случува. И на крајот од првенството ја освојувате тројната круна“.
Goran Pandev anuncia su retirada a los 39 años. https://t.co/FtCYhRUFne
— AS Fútbol (@AS_Futbol) September 21, 2022
OFFICIEL
Dans une interview pour la Gazetta Dello Sport Goran Pandev annonce officiellement sa retraite !
Bonne retraite légende ❤👑 pic.twitter.com/B2405sWMoq
— Football Macédonien FR 🇲🇰 (@FrMacedonien) September 21, 2022
En entrevista a la @Gazzetta_it, Goran Pandev ha confirmado que se retira del fútbol!
Tras una carrera que comenzó en 1999 con el FK Belasica, pasó por Lazio, Spezia, Inter Milan, Napoli, Genoa y demás!
Desde 2001 a 2021 estuvo en 122 partidos y 38 goles con Macedonia del Norte! https://t.co/r3COllKfyG pic.twitter.com/9l6KBsa0xx— David Camarena/Дэвид Камарена (@David2095_Sport) September 21, 2022
ГОРАН ПАНДЕВ
Освоени трофеи во кариерата –
Лацио (Куп на Италија 2008/2009)
Интер (Серија А 2009/2010, Куп на Италија 2009/2010, 2010/2011, Суперкуп на Италија 2010, Лига на шампиони 2009/2010, ФИФА Светско клупско првенство 2010).
Наполи (Куп на Италија 2011/2012, 2013/2014)
Галатасарај (турска Супер Лига 2014/2015, Куп на Турција 2014/2015)
Беше на првото место на листата најдобри стрелци во Купот на Италија во сезоните 2008/2009 со шест голови и четири погодоци во 2016/2017. Беше прогласен за играч на годината во Македонија во 2004, 2006, 2007, 2008 и 2010.
Професионалната кариера ја започна во Беласица, потоа се пресели во Интер, следуваа позајмица во Специја и Анкона, пет години во Лацио, по три во Интер и Наполи, една сезона во Галатасарај, вкупно седум години во Џенова и изминатата сезона во Парма. Севкупно 549 настапи и 112 голови.
Et voilà c'est officiel :
Goran Pandev prend sa retraite, pincement au cœur car on a rarement vu un joueur avec un tel QI footballistique de par chez nous.Merci l'artiste pic.twitter.com/rgVRXOQ15q
— SSC Napoli France (@NapoliCFrance) September 21, 2022
За најдобрата македонска репрезентација лани играше на Европското првенство и го постигна првиот историски гол за А селекцијата на континенталните собири запиша 122 настапи и 38 голови како прв стрелец на вечната листа на најдобрата македонска репрезентација.
Во неговите идни планови фудбалот се очекува и натаму да биде е присутен. Тој признава дека тоа е „единственото нешто што знае да го направи“. Тој не бара тренерска кариера:
– Себеси повеќе се гледам како директор или спортски агент. Сакам да работам со млади луѓе и да им помагам, да разговарам, да ги гледам игрите – вели Пандев.