Горан Кузманоски е нов тренер на РК Бутел Скопје

фото: РК Бутел Скопје

Поранешниот македонски репрезентативец Горан Кузманоски официјално е новиот тренер на ракометниот клуб Бутел Скопје со кој потпиша договор на две сезони.

Како професионален ракометар настапуваше во Македонија, Италија, Шпанија, Шведска, Португалија и Романија.

Тренерската кариера започна да ја гради во Романија, а во Македонија ги водеше екипите на Прилеп и Скопје.

– Бутел е екипа која низ годините презентираше добри резултати во Суперлигата и настапи во европските купови. Покрај заминувањето на неколку искусни играчи и играчи кои имаа продонес во екипата, клубот одлучи да се помлади и со нова енергија да влезе во борба за плеј-оф. Амбициите, добрите школи во младите категории ме натераа да се решам да потпишам договор. Целта е пласман во плеј-оф, иако ќе имаме доста подмладена екипа со просек од 23 години. Ме радува и фактот што има младински репрезентативци, што чекор по чекор ќе бидат носители во првиот тим – вели Кузманоски.

Откако ќе биде комплетиран играчкиот ростер, клубот ќе го објави планот на подготовки пред стартот на новата сезона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот