Ѓоковиќ на Марбеља ги има последните подготовки пред нападот на 18. грен слем титула
Првиот тенисер на АТП ранг листата се пријави за настап на УС Опен и ќе биде огромен фаворит за триумф со оглед на тоа дека актуелниот шампион Рафаел Надал го откажа учеството.
Новак Ѓоковиќ три пати во кариерата триумфираше на УС Опен, а годинава ќе има одлична можност и по четврти пат да го крене шампионскиот пехар поради отсуството на другите двајца тенисери од големата тројка, Рафаел Надал и Рожер Федерер.
Федерер нема да игра до крајот на сезоната поради двете операции на коленото, додека Надал го откажа настапот на грен слем турнирот во Њујорк поради пандемијата на коронавирусот.
Ѓоковиќ кој се пријави, последните подготовки пред заминувањето за САД ги има во Марбеља, Шпанија, каде куќа и тениски терен со тврда подлога на каква ќе се игра и УС Опен.
Тој тренира заедно со 97. тенисер на АТП ранг листата, Шпанецот Алехандро Давидович Фокина. Покрај нив двајца, во Марбеља се уште и тренерот на Фокина, Хорхе Агире како и физиотерапевтот на Ѓоковиќ, Улисес Бадио.
Според шпанските медиуми, Ѓоковиќ и Фокина веќе една недела тренираат заедно и тоа со истите топчиња со кои ќе се игра на УС Опен, а во Марбеља ќе останат до 14. август кога заедно ќе отпатуваат во Њујорк, каде ќе настапат прво на Мастерсот Синсинати, а потоа и на УС Опен.
