Главчев прво засилување за Работнички – Слободен печат
КошаркаСпорт

Главчев прво засилување за Работнички

Најтрофејниот тим во Македонија го ангажира првото засилување за новата сезона.

Доскорешниот бек на Блокотехна, Горан Главчев е прво засилување за Работнички и новиот тренер Димитар Мираковски.

Главчев (26 години, 191 см.) во последните две сезони  настапуваше за Блокотехна со која триумфира во БИБЛ лигата. Поради повреда, тој го пропушти финишот од сезоната во која неговиот поранешен тим загуби во полуфиналето од идниот тим.

Со ангажманот на Главчев, започнува реконструкцијата на најтрофејниот кошаркарски колектив во Македонија. На местото на тренерот Докузовски, дојде довчерашниот бек Мираковски кој ќе мора да бара замени за Ѓорѓи Чековски кој замина во пензија, одличниот Чавдар Костов кој си замина, а договорите на крајот од сезоната им истекоа на Крстевски, Караџовски, Јаневски и Стајиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close