Гласаа Ангеловски и Пандев, а Меси го игнорираше Роналдо!
Селекторите и капитените на секоја земја гласаа во доделувањето на наградата „Бест“ организирана од ФИФА, за најдобар фудбалер на светот.
Помеѓу нив и Македонија, односно селекторот Игор Ангеловски и капитенот Горан Пандев кои ги дадоа своите гласови.
Пандев еден поен одвои за Кевин Де Брујн, три за Килијан Мбапе, а пет најмногу за Роберт Левандовски кој подоцна беше прогласен и за победник. Полјакот пет поени доби и од Ангеловски, три му даде на Лионел Меси, а еден на Мохамед Салах.
Во најтесниот круг покрај напаѓачот на Баерн Минхен останаа уште Меси и Кристијано Роналдо. Интересно, Португалецот му даде три поени на Меси, а Аргентинецот му возврати со ниту еден.
Гласовите на Левандовски: Тијаго Алкантара (пет поени), Нејмар (три поени), Кевин Де Брујн (еден поен)
Гласовите на Меси: Нејмар (пет поени), Килијан Мбапе (три поени), Роберт Левандовски (еден поен)
Гласовите на Роналдо: Роберт Левандовски (пет поени), Лионел Меси (три поени), Килијан Мбапе (еден поен)
Официјално: Левандовски е прогласен за најдобар фудбалер на светот!