В сабота од 18.00 часот во Словенија ќе се игра првиот натпревар од полуфиналето во ЕХФ Европскиот куп помеѓу ракометните клубови на Цеље и ГРК Охрид.

Македонскиот претставник има одлична сезона и има шанса да испише историја со освојување на европски пехар.

Во второто полуфинале од клупското натпреварување се среќаваат екипите на Извиѓач (Босна и Херцеговина) и Татабања (Унгарија) на нашиот интернационалец Филип Талески.

Своите очекувања за утрешниот дуел ги сподели играчот на ГРК Охрид, српското десно крило Дарко Ѓукиќ:

– Многу се истрошивме во натпреварите од Купот и во финалето против Вардар, но немаме многу време за тага. Мора да мислиме на следниот ривал, а тоа е првиот натпревар против Цеље. Се подготвуваме и се надеваме на победа, ќе го дадеме максимумот. Нема да биде лесно, Цеље е млада и сериозна екипа. Ние како и секогаш оваа сезона одиме на победа, воедно, добро е што ќе имаме поддршка од нашите навивачи на ова гостување и се надеваме дека ќе ги израдуваме – изјави Ѓукиќ.

Онлајн продажбата на билети за реванш натпреварот на ГРК Охрид против Цеље што ќе се игра на 2 мај во салата „Билјанини Извори“ е во тек. Повеќе на следниот линк ТУКА