Македонската тенисерка Лина Ѓорческа денеска го заврши настапот на вториот грен слем турнир – Ролан Гарос откако во првото коло од квалификациите загуби од 17 носителка Сузан Ламенс од Холандија со 2:0 во сетови (6:4 и 6:2).

Мечот траеше 69 минути и беше прекинат во првиот сет при 2:2 во гемови поради дожд.

Во продолжението од мечот Ѓорческа дојде до предност од 4:3, но противничката успеа да освои три гема во серија и го доби првиот сет со 6:4.

Во вториот сет резултатот во гемови повторно беше нерешен до средината на сетот 3:3, но Ламенс со нова серија од три гема го доби вториот сет со 6:3.

Ѓорческа имаше проблеми со сервисот во текот на мечот и направи 16 двојни сервис грешки и имаше 41 неизнудена грешка.

Нашата тенисерка следната недела ја очекува настап на ИТФ турнир во Куршумлијска Бања во Србија.