Ѓоковиќ: Крајно сум разочаран, но ја почитувам пресудата
Најдобриот светски тенисер Новак Ѓоковиќ го загуби случајот пред Федералниот суд на Австралија, а одлуката на тричлениот совет беше едногласна, објавена е во неделата нешто пред осум часот по средноевропско време.
Веднаш по одлуката Ѓоковиќ имаше изјава за „The Age“:
– Сакам да дадам кратка изјава за да се осврнам на исходот од денешното рочиште во Судот. Сега ќе одвојам малку време да се одморам и да се опоравам, пред да дадам дополнителни коментари освен ова. Крајно сум разочаран.
Непријатно ми е што фокусот на изминатите недели беше на мене и се надевам дека сега сите ќе можеме да се фокусираме на играта и турнирот што го сакам. Би сакал да им посакам на играчите, официјалните лица на турнирот, персоналот, волонтерите и навивачите сè најдобро за турнирот. На крајот би сакал да им се заблагодарам на моето семејство, пријателите, тимот, навивачите и моите сограѓани Срби за континуираната поддршка. Вие ми бевте голем извор на сила – рече Ѓоковиќ.