Германија ги укина ограничувањата: Македонците во нова печалбарска офанзива
Работниците од Западен Балкан можат повторно да аплицираат за работа во Германија по паузата предизвикана од пандемијата.
Како што потврди Доминик Ерентраут, заменик-главен портпарол на Федералното Министерство за труд и социјална работа на Германија, практично сите ограничувања се укинати од 4 јули, кога станува збор за правилото за Западен Балкан и другите програми за вработување на нашите работници во таа земја.
– Сепак, треба да се нагласи дека воведување на ограничувања е можно во секое време, во зависност од развојот на ситуацијата – објасни Ерентраут за „Независне новине“.
Што се однесува до Правилото за Западен Балкан, тој објасни дека тоа никогаш не било укинато, особено не откако, беше продолжено повторно за период од три години на почетокот на годината, односно до крајот на декември 2023 година.
– Ова правило ја опфаќа и Северна Македонија, а единствената новина во однос на претходното правило е воведување ограничување од 25.000 кое се однесува на сите земји, кои, освен С Македонија, исто така ги вклучуваат Албанија, Косово, Црна Гора, БиХ и Србија – рече тој.