Додека многу луѓе се подготвуваат за празниците, Германецот Јозеф Кардинал го подигна својот божиќен дух на сосема ново ниво. Тој е сопственик на најголемата колекција на снежни топки во светот, која брои повеќе од 11.000, што му донесе место во Гинисовата книга на рекорди, пренесува „Њујорк пост“.

Страста на Кардинал за собирање снежни топки започна во 1984 година. Тој го освои својот прв Гинисов рекорд во 2002 година, кога неговата колекција имаше 6.100 топки, но тој продолжи неуморно да ги собира, а неговата колекција сега брои точно 11.017 парчиња. Тој ги чува сите овие зимски чуда во подрумот на својот дом во Нирнберг.

– Ја сакам романсата на снежните топки и колку се убави кога ќе ги протресете и снегот паѓа. Луѓето ги сакаат снежните топки затоа што доловуваат совршен свет. Очигледно, оној што не е реалистичен, и затоа сме привлечени кон нив – рекол Кардинал.

Неговата колекција вклучува и необични парчиња. Има глобус со тема „Харли-Дејвидсон“ што испушта звуци на моторот, како и еден со реплика на „Титаник“ што изгледа како да тоне. Најстариот примерок во колекцијата е направен во 1889 година во Париз и ја прикажува Ајфеловата кула, додека најмалата топка е со големина на нокт и служи како нослива значка.

Колекцијата, исто така, ги следи актуелните настани, па за време на пандемијата ковид, Кардинал набави копија со ролна тоалетна хартија и друга со снешко што носи маска. Секако, ниедна колекција не е комплетна без алузија на поп-културата – Кардинал има и снежна топка инспирирана од албумот на Тејлор Свифт од 2024 година „Одделот на тортурирани поети“. Кога таа се тресе, страниците од нејзините текстови паѓаат околу минијатурната машина за пишување во неа.