Додека товарен авион одлета од писта на аеродромот VNO во четвртокот во Вилниус, на растоjaние од само сто метри, поголем број луѓе гледаа филм од нивните автомобили во импровизираното драјв-ин кино на отворено на аеродромот.

Лица во околу 160 паркирани возила ги следеа строгите инструкции да ги задржат своите прозорци затворени за да спречат ширење на коронавирусот – додека беа воодушевени од можноста да го гледаат филмскиот паразит „Паразит“ кој победи на Оскар, на првиот филм кој се прикажуваше на аеродромот во рамки на проектот кино на отворено.

Минатата година на интернационалниот аеродром VNO во Вилнус летаа над 3,8 милиони луѓе, но сите закажани патнички летови очекувано беа одложени пред еден месец, бидејќи и Литванија ја започна својата војна против вирусот.

Рестораните, концертните сали и кината се затворени, а Литванците се охрабруваат да останат дома. Ако излезат надвор, тие мора да носат маска и не можат да бидат во група поголема од две, доколку не се со членови од семејството.

Сепак, владата оваа недела дозволи да се отворат терасите на кафулињата, како и некои настани како што е драјв-ин кино на отворено, да се одржуваат, бидејќи бројот на новозаболени се намалува.

„Драјв-ин кино на отворено при аеродромот отсекогаш бил мој сон, но дури сега добивме можност за вакво нешто. Просторот е премногу зафатен кога летовите се одвиваат непречно“, изјави Алгирдас Рамаска, кој е организатор на драјв-ин киното на отворено на аеродромот и годишниот меѓународен филмски фестивал во Вилниус.

„Одговорот на јавноста за настанот е неверојатен, распродадени сме за следните неколку дена. На некој начин, луѓето се уморни од долгото седење дома во изолација и сакаат да излезат“.

„Навистина е неверојатно искуство, гледајќи филм овде – никогаш не сум дошол на аеродромот освен за да патувам“, рече Егел Рибацијаускат (34), еден од посетителите ноќта кога се отвори киното на отворено.

Годишниот меѓународен филмски фестивал во Вилниус, што требаше да се одржи во март, беше откажан поради рестриктивните мерки, а Алгирдас Рамаска, организатор на филмскиот фестивал, а потоа на драјв-ин киното, вели дека преку овој  настан се надева дека ќе го задржи цел тим кој претходно го вработил, и тоа со приходите од билетите купени за прикажувањето филмови на аеродромот.

Lithuanians have found a clever way to combine airports, cinema and social distancing ?️? pic.twitter.com/Wj5qOOVwEn

— DW News (@dwnews) May 1, 2020