Турскиот фудбалски клуб Фенербахче постигна договор со Лацио за трансфер на играчот од средниот ред Матео Гендузи за вкупен пакет од 30 милиони евра, објавија турските медиуми, повикувајќи се на Фабрицио Романо и Џанлука Ди Марцио.

Од оваа сума, 28 милиони евра се фиксни, додека преостанатите два милиони се издвоени како бонуси, откако „орлите“ инсистираа на подобри услови во споредба со првичната понуда од 27 милиони.

Се очекува Гендузи да му се приклучи на Фенербахче следната недела. Пред тоа, играчот од средниот ред ќе го одигра својот последен натпревар со тимот на Лацио – гостување против Верона.

Паралелно, Лацио активно работи на зајакнување на својот состав откако беше укинато ембаргото за трансфери врз клубот. Се очекува 22-годишниот напаѓач Петар Ратков од РБ Салцбург да ги помине медицинските прегледи, за кого ќе бидат исплатени 13 милиони евра плус бонуси.

Српскиот напаѓач треба да потпише договор до летото 2030 година со плата од 1,5 милиони евра по сезона.

🚨🇫🇷 𝐁𝐑𝐄𝐀𝐊𝐈𝐍𝐆 | Matteo Guendouzi (26) to Fenerbahçe. Deal is done. Transfer agreed for total of €30m including bonuses for Lazio midfielder, reports @yagosabuncuoglu. 🟡🔵 pic.twitter.com/bKGdoBydi6

— EuroFoot (@eurofootcom) January 7, 2026

🚨🦅 Lazio have agreed deal to sign Petar Ratkov from RB Salzburg on €13m deal with add-ons.

The striker has accepted the proposal tonight as SI reported.

🎥🇮🇹 https://t.co/otiYgFzvI1 pic.twitter.com/aORiGambbF

— Fabrizio Romano (@FabrizioRomano) January 6, 2026