Сопственикот на Челси, Тод Боли лично се ангажира за да се реализира најголемиот трансфер на „сините“ во летниот преоден рок и да му го украде Френки де Јонг на Манчестер јунајтед.

Имено, откако си заминаа директорите на Челси, Брук Бак и Марина Грановскаја, новиот сопственик не назначи нивни наседници туку ја презеде нивната работа и токму тој ја договори позајмицата на Ромелу Лукаку во Интер, а сега се подготвува да го направи најголемиот трансфер досега.

Боли отпатува во Барселона на преговори со првиот човек на каталонскиот тим, Жоан Лапорта, да да ја договори продажбата на бековите Маркос Алонсо и Сезар Аспиликуета кои сакаат да се вратат Шпанија.

Бидејќи Барселона нема средства за ги купи дефанзивците, Боли планира на Лапорта да му понуди размена со која Френки де Јонг би се преселил на „Стемфорд бриџ“ во замена за Алонсо и Аспиликуета.

Доколку се реализира оваа размена, Боли ќе му го украде Де Јонг на Манчестер јунајтед кој веќе неколку месеци кокетира со холандскиот репрезентативец.