Сопственикот на швајцарскиот бар кој изгоре за Нова година ќе биде пуштен на слобода откако ќе биде платена кауција, соопшти денес надлежниот суд. Во трагичниот пожар загинаа 40 лица, а повеќе од 100 се повредени, пишува Ројтерс.

Жак Морети и неговата сопруга Џесика се под истрага поради сомнение за извршување на повеќе кривични дела, меѓу кои и убиство од небрежност.

Морети беше приведен на 9 јануари поради опасност од бегство. Двајцата изразиле жалење поради трагедијата и ветиле соработка со обвинителството.

Како мерки за спречување бегство, судот одреди кауција во износ од 200.000 швајцарски франци (253.485,42 американски долари) и обврска за секојдневно јавување во полициска станица, се наведува во соопштението.

Швајцарските обвинители претходно денес информираа дека спровеле две сослушувања со сопствениците на барот, кои во моментов се единствени осомничени во случајот.

Секое сослушување траело повеќе од десет часа и опфатило прашања поврзани со безбедноста и преуредувањето на барот „Le Constellation“. Обвинителството соопшти дека биле наложени и претреси, биле собрани докази и запленет имот.

Семејството на Стивен Ивановски, кој загина во пожарот во Кран-Монтана, бара донации за погребот