Претседателот на Реал Сосиедад, Хокин Аперибај, откри необична позадина околу изборот на тренерот Пелегрино Матарaцо. Пред конечната одлука, тој побарал совет и од вештачката интелигенција, односно Четџипити.

Матарaцо пристигна во декември, кога тимот беше само два бода над зоната за испаѓање, но од тогаш ситуацијата целосно се промени. Круна на трансформацијата беше освојувањето на Купот на кралот пред неколку дена.

Прославата се одржа во понеделник, пред околу 100.000 навивачи, а успехот добива уште поголема тежина ако се знае дека ангажманот на Матарaцо првично беше оценет како ризичен. Шпанските медиуми потсетуваа дека тој не зборува шпански и дека претходно немал искуство во шпанскиот фудбал.

„Ерик Бретос (спортскиот директор) ми го предложи Матарaцо. Од љубопитност го прашав Четџипити  дали би бил добар избор за Сосиедад и одговорот беше – не. Среќа што сепак му верував на Ерик“, изјави првиот човек на клубот.

Тој додаде дека уште на првата средба бил пријатно изненаден.

„Не го познавав, но ме воодушеви веднаш. Имаше детално познавање за тимот и презентираше врвна анализа. Одлуката ја донесов дури по петтиот разговор“, откри Аперибај.