Селекторот на белгиската фудбалска репрезентација, Руди Гарсија, не го криеше разочарувањето по натпреварот без голови против Македонија во Гент, но и покрај тоа остана оптимист за завршницата од квалификациите за Светското првенство.

Иако Белгијците важеа за апсолутни фаворити, не успеаја да ја скршат цврстата македонска одбрана, па со ремито изгубија важни бодови во битката за првото место во групата.

„Ништо не можам да им забележам на фудбалерите. Создадовме многу шанси и имавме огромен број удари кон противничкиот гол, но македонскиот голман бранеше извонредно. Кога не можеш да победиш, важно е барем да не загубиш“, изјави белгискиот стратег

Гарсија најави дека фокусот веќе е насочен кон следниот натпревар, кој ќе биде клучен за амбициите на „црвените ѓаволи“.

„Ако ги добиеме последните три натпревари, ќе ја завршиме групата како лидери. Сѐ зависи од нас,“ порача тој

Следниот предизвик за Белгија ќе биде дуелот со Велс, кој се игра веќе во понеделник на гостински терен.

Преземено од: Спорт.ком.мк