Астон вила и Челси по трансферот на Морган Роџерс постигнале уште еден договор. Според спортскиот новинар Давид Орнштајн, речиси сигурно Алехандро Гарначо ќе се приклучи на тимот од Бирмингем на едногодишна позајмица со услов за задолжителен откуп.

🚨 Aston Villa agree deal sign Alejandro Garnacho from Chelsea. 22yo #CFC winger joins #AVFC on loan + conditional buy obligation. Medical done & Argentina int’l in Birmingham to complete. 4yr contract upon permanent switch – driven by Emery @TheAthleticFC https://t.co/39Uk4lYdbw

— David Ornstein (@David_Ornstein) July 22, 2026

Во моментов не е познато ниту колку ќе изнесува отштетата, но според извештаите, Челси смета дека ова е добра зделка за играч кој целосно разочара по доаѓањето од Манчестер јунајтед минатото лето и кој дури не беше повикан на подготовките од новиот тренер Чаби Алонсо.

Што ќе добие Астон вила со аквизицијата на Гарначо?

Гарначо најдобро се снаоѓа на левото крило, од каде што влегува кон средината, по што се заканува со својата посилна десна нога. Аргентинецот уште од неговите почетоци, кога го носеше дресот на Манчестер јунајтед, важи за голем талент. Тој е одличен дриблер и може да донесе поголема широчина во нападите на Вила со движења покрај левата аут-линија, со што ќе ја растегне противничката одбрана.

Токму тоа би можело да донесе подобар баланс во играта на Астон вила, а играчите од средината и напаѓачот Оли Воткинс би добиле повеќе слобода на теренот.

Сепак, 22-годишниот крилен напаѓач има и слабости. Во одредени ситуации често не ја носи вистинската одлука. Се одлучува за тежок удар кога има подобро поставен соиграч, а знае и да ги забави нападите обидувајќи се повеќепати да го мине истиот дефанзивец.

Унаи Емери во минатото успешно развиваше талентирани офанзивци преку јасно дефинирани улоги, па Гарначо би можел да има корист од таков пристап.

Агбонлахор: Гарначо е вистински кошмар

Овој трансфер наиде на мешани реакции од навивачите на Астон вила, но посебно не му се допадна на легендарниот напаѓач на клубот, Габриел Агбонлахор.

Во емисијата „talkSPORT Breakfast“ поранешниот репрезентативец на Англија веднаш го искритикува трансферот.

„Не! Реклама, време е за реклами. Не сакам ни да зборувам за тоа. Нема да се случи. Тоа е сон… поточно кошмар!“, изјави Агбонлахор.

Тој потоа ги доведе во прашање и квалитетите на Гарначо.

„Тој не е добар играч. Секогаш кога сум го гледал, не може да го помине бекот. На последните пет-шест натпревари за Челси ќе тргнеше кон бекот, ќе се свртеше назад и ќе ја вратеше топката. Се плашеше да оди еден на еден.“

Постои причина зошто Манчестер јунајтед се откажа од него. Постои причина зошто Челси се откажа од него. Постои причина зошто не беше ниту повикан во аргентинската репрезентација за Светското првенство, иако имаат недостиг од крилни играчи.

Следејќи ја неговата кариера во Манчестер јунајтед, можам да кажам дека има его како Кристијано Роналдо, но нема ни талент како Дејвид Белион, кој играше за Јунајтед пред дваесетина години.“

❌ “He’s not a good player!”

🤦‍♂️ “The ego of Ronaldo but the talent of David Bellion…”

Safe to say Gabby Agbonlahor isn’t pleased with #AVFC signing Alejandro Garnacho from #CFC… 😬 pic.twitter.com/Pu8aXJKoAG

— talkSPORT (@talkSPORT) July 22, 2026

Агбонлахор смета дека Гарначо може да ја наруши одличната атмосфера што Унаи Емери ја изградил во соблекувалната.

„Во соблекувалната на Астон вила владее фантастична атмосфера. Видовме колку сите го сакаа Морган Роџерс. Дали навистина сакате да внесете ‘расипано јаболко’ во таква средина?

Постојано слушаме приказни за Гарначо – како ги крева рацете кога е заменет, како си замина од Манчестер јунајтед…“

Англискиот репрезентативец Морган Роџерс за 117 милиони фунти во Челси