Шеесет и три столчиња на кои е ставена по една бела ружа, со имињата и годината на раѓање на загинатите во кочанската трагедија се поставени во Паркот на револуцијата во центарот на Кочани, на годишнината од најголемата трагедија.

Спроти белите столчиња седат родителите на младите загинати со вперени погледи кон столчињата на кои е испишано името на нивното дете. Бројни делегации, амбасади, градоначалникот на Кочани, Владко Грозданов, претседателката Гордана Сиљановска Давкова, премиерот Христијан Мицкоски, доаѓаат и се потпишуваат во книгата на жалост.

Со минута молк, точно во 2 часот и 32 минути, моментот што засекогаш го промени Кочани, ноќеска беше оддадена почит на трагично загинатите во пожарот во дискотеката „Пулс“.

ВИДЕО | „Слободен печат“ во Кочани, градот на тагата и гневот – година помина, болката никако