Граѓаните на Кочани вечерва ќе одбележат една година од трагедијата во дискотеката „Пулс“ со тивок собир и оддавање почит на загинатите.

Граѓанското здружение „16 март 2025“ овој собир го најави на Фејсбук каде ги информираше граѓаните дека собирот ќе биде во 02:15 часот пред поранешната дискотека „Пулс“ во Кочани со цел да им се оддаде сеќавање и почит на жртвите каде пред една година во пожар животот го загубија 63 лица, а околу 200 беа повредени.

„Да застанеме заедно во тишина со нашите 63 ангели. Ќе оддадеме почит со една минута молк. Во 02:32 часот, моментот што засекогаш го промени Кочани. Нека светлината сведочи дека не забораваме. Нека тишината зборува за љубовта што останува“, се вели во објавата од Здружението на Фејсбук.

Настанот е дел од повеќедневната програма со која Кочани ја одбележува годишнината од пожарот во дискотеката, една од најголемите трагедии во поновата историја на Македонија.

ВИДЕО | „Слободен печат“ во Кочани, градот на тагата и гневот – година помина, болката никако