Вишиот суд во српскиот град Сремска Митровица му одреди притвор на 55-годишниот Предраг Милошевиќ, кој бил уапсен откако полицијата пронашла 500.000 таблети „бенседин“ (диазепам) во неговата куќа, а бил пронајден и пиштол, објави Нова.рс.

Предраг Милошевиќ е уапсен на 29 април во селото Нови Бановци, откако полицијата при претрес на неговата куќа пронашла околу половина милион таблети од седативот под трговското име бенседин, како и пиштол за кој полицијата се сомнева дека тој немал дозвола, со придружната муниција.

Функционерот на партијата на Александар Вучиќ е во 30-дневен притвор. Тој е обвинет за неовластено производство и дистрибуција на наркотични дроги.

Нема информации за тоа како Милошевиќ набавил огромна количина од лекот, за кој е потребен рецепт. Тоа се повеќе од 16.000 кутии, а ова не е првпат шверцувани таблети од популарниот лек да се појават на српскиот пазар.

Спречен шверц на лекови и игли за мерење шеќер во крвта од македонската Царина