Европското првенство кое полека се ближи кон крајот, останаа најдобрите осум репрезентации, даде нови херои но и го потврди квалитетот на големите ѕвезди, а многумина од нив по завршување на Евро 2020 тие добро ќе ги наплатат добрите игри.

Ромелу Лукаку (Белгија) – 100 милиони евра
Неговата вредност за време на Евро 2020 се зголеми за 10 милиони евра, од 90 милиони таа сега изгледа 100 милиони евра.
Напаѓачот на Интер блескаше во дресот на белгиската репрезентација постигнувајќи три гола и е еден од најзаслужните за пласманот во четвртфиналето.
– Кога се зборува за Кејн, Левандовски, Бензема се зборува дека се најдобрите напаѓачи, додека за мене се зборува дека сум во одлична форма. Јас мислам дека припаѓам во таа група на најдобрите на светот – рече Лукаку.

Френки де Јонг (Холандија) – 90 милиони евра

Вредноста на Де Јонг се зголеми за 10 милиони, од 80 милиони тој сега вреди 90 милиони евра.
Репрезентацијата на Холандија доживеа шокантна елиминација од Чешка во осминафиналето, но тоа не влијаеше на вредноста на Де Јонг, напротив таа се зголеми за 10 милиони евра.
Сепак, заинтересираните екипи ќе останат со празни раце бидејќи Де Јонг се очекува да биде еден од лидерите на Барселона во наредните години.

Фил Фоден (Англија) – 80 милиони евра

Неговата вредност исто така е зголемена за 10 милиони, од 70 милиони фудбалерот на Манчестер сити сега се проценува на 80 милиони евра.
Фоден е еден од најдобрите играчи на Англија на Евро 2020, тој е главниот организатор на играта својата репрезентација која досега не прими ниту еден гол. Нема сомнение дека одличните игри на Евро 2020 ќе му донесат поголема минутажа и во Манчестер сити.

Рубен Дијаш (Португалија) – 75 милиони евра

Неговата вредност се зголеми за пет милиони, од 70 на 75 милиони евра.
Местото во одбраното друштво го обезбеди и одличниот дефанзивец на Манчестер сити и на португалската репрезентација, Рубен Дијаш. Дијаш со Сити ја освои титулата во Премиер лигата, а тој беше прогласен за играч на сезоната и со добрите игри продолжи на Евро 2020. Сепак, тој и неговите сонародници не можеа да ја поминат пречката наречена Белгија.

Патрик Шик (Чешка) – 23 милиони евра

По завршување на Евро 2020 сигурно е дека вредноста на Патрик Шик ќе биде многу поголема од сегашната, 23 милиони евра бидејќи со своите игри ги воодушеви сите. Речиси сигурно е дека неговиот гол од средина на теренот ќе биде прогласен за гол на ЕП.