Фронтменот на „Металика“ Џејмс Алан Хетфилд се разведува по 25 години брак. Тој претходно оваа година поднел барање за развод од сопругата Франческа Хетфилд, пренесуваат американските медиуми.

Џејмс и Франческа се венчаа на 17 август 1997 година, а музичарот често истакнуваше дека неговата сопруга била негова најголема поддршка во тешките моменти, вклучувајќи ги и битките со зависноста. Заедно имаат три деца.

 

View this post on Instagram

 

A post shared by …𝙰𝚗𝚍 𝙼𝚎𝚝𝚊𝚕𝚕𝚒𝚌𝚊 𝙵𝚘𝚛 𝙰𝚕𝚕𝚣 (@and.metallica.for.allz)

Во подкаст во 2016 година, тој рече дека неговата сопруга во еден момент го избркала од куќата поради неговата зависност.

„Мојата сопруга ја направи вистинската работа, ме избрка од дома и тоа ме исплаши до смрт. Таа рече „еј, нема да одиш сега само кај терапевт да зборуваш за ова, туку мораш да одиш некаде и да го решиш ова срање“, така и направив“, рече тој.

Музичарот сè уште не ги коментирал написите за развод.