Раководството на Професионалната фудбалска лига на Франција донесе одлука за промена на календарот, па натпреварите меѓу Ленс и ПСЖ, како и дуелот Брест – Стразбур, ќе се одиграат на 13 мај.

Од Лигата објаснија дека ваквиот потег е направен со цел да се заштитат интересите на францускиот фудбал, при што е прифатено барањето на ПСЖ и Стразбур, без формална согласност од нивните противници.

Парижаните инсистираа на одложување на средбата со Ленс, бидејќи првично беше закажана за 11 април, односно во период меѓу двата четвртфинални натпревари против Ливерпул во Лигата на шампиони.

Иако Ленс претходно се спротивстави на ова барање, со оглед дека и самиот е сериозен кандидат за врвот во Лига 1, конечниот збор го имаше раководството на натпреварувањето.

Во моментов, ПСЖ се наоѓа на лидерската позиција со 60 бодови, додека Ленс веднаш зад него заостанува со само еден бод, што дополнително ја зголемува тензијата во шампионската трка.

🚨 LA LFP CONFIRMA EL APLAZAMIENTO DEL LENS-PSG

🗓️ El partido estaba programado para el 11 de abril, pero la junta directiva de la LFP lo ha cancelado con el fin de ayudar al PSG a prepararse el partido de Champions ante el Liverpool

⁉️ ¿Trato de favor al equipo parisino? pic.twitter.com/gteR9ngNWM

— Post United (@postunited) March 26, 2026