Олександар Усик ги одбрани шампионските титули во тешка категорија откако пред 40.000 гледачи го нокаутираше Британецот, Даниел Дубоа во деветтата рунда.

Усик успеа да слави во борбата во која видовме и еден контроверзен момент. Во петтата рунда Украинецот се најде на подот по силен удар кој го доби во стомакот и прашање е дали ќе станеше навреме ако не добиеше надворешна помош.

Was this a robbery too? #UsykDubois pic.twitter.com/2FTS1orJnP

— Oliver (@Oliver_mufc_) August 26, 2023

Судијата процени дека станувало збор за удар под појасот и воопшто не му броеше на Усик и му даде време колку што му е потребно да се стабилизира. По тој момент Украинецот презема контрола на мечот и ги одбрани титулите.

USYK KNOCKS OUT DUBOIS pic.twitter.com/XkOHKMVDpZ

— Spinnin Backfist (@SpinninBackfist) August 26, 2023

Откако победи, Усик повторно го предизвика Тајсон Фјури за борба за обединување на титулите.

„Подготвен сум за борба против Фјури. Одлично се чувствувам и благодарен сум на мојот тим, моето семејство, моите деца. Благодарен сум на мојата земја и на украинската армија“, изјави Усик.