Шпанскиот бискуп, егзорцист Ксавиер Новел, објави дека се повлекува од функцијата бискуп Солсоне во Каталонија, бидејќи сака да започне нов живот од строго лични причини.

Бискупот се вљубил во Силвија Кабаљол, која е 14 години помлада од него. Таа е авторка на еротски романи, разведена е и мајка на две деца. Епископот наведува дека ја запознал Силвија, која е психолог, а проучува религии, јога, демографија и сексологија. Велат дека тој всушност е опседнат со неа.

An ultra-conservative Spanish bishop and exorcist has resigned to start a new life with his partner.

Xavier Novell, 52, announced last month that he was resigning as bishop of Solsona in Catalonia to start a house with Silvia Caballol, a divorcee and mother of two @ MailOnline pic.twitter.com/Z0lCQSN505

— Mr. PER. HILTON LATINOAMÉRICA (@19_comunidad) September 8, 2021

Издавачот на нејзините книги ја опишал како „динамична авторка која ги поместува границите и ги извртува моралните и етичките размислувања“.

Нејзината последна книга, „Пекол во страста на Габриел“, е приказна за затворот, сектите, садизмот, страста, бесмртноста и грубата борба помеѓу доброто и злото, помеѓу Бог и Сатаната и помеѓу ангелите и демоните.

Пред владиката Новел била блескава иднина, го гледале како sвезда во подем во шпанската католичка црква, бидејќи бил прогласен за најмлад бискуп во Шпанија во 2010 година, кога имал само 41 година.

Меѓутоа, неговиот подем стагнирал со изборот на папата Франциско во 2013 година, објави „Тајм“.

Владиката Новел го опишал абортусот и еутаназијата како „геноцид“, а тоа не било во склад со расположението на црквата и на папата Франциско.

Инаку, Новел е единствениот бискуп кој отворено гласаше на контроверзниот каталонски референдум за независност во 2017 година, кој според шпанскиот закон се смета за незаконски.

Папата ја прифатил неговата оставка, а црквата не дала коментар.