Во западниот дел на Норвешка, на прекрасниот фјорд Хардангер, новоотворениот ресторан Ирис стана хит на интернет.

Благодарение на неговата необична локација на пловечка уметничка инсталација и уникатниот концепт за јадење, ресторанот брзо стана вирален на ТикТок. Само 24 луѓе можат да учествуваат во шестчасовната вечера секоја вечер, а ресторанот е веќе целосно резервиран до октомври, пренесува „Индекс.хр“.

Според информациите на веб-страницата на ресторанот, сè започнува со возење со брод од блискиот град Розендал и добредојде од готвачката Аника Мадсен на островот Снилствеитој.

После тоа, гостите пристигнуваат на пловечката уметничка инсталација наречена „Лососово око“ (Salmon Eye), каде што вечерта започнува со мултисензорно подводно искуство. Гостите потоа продолжуваат во трпезаријата каде што се служи мени за дегустација со импресивен поглед на фјордот и блискиот планински венец.

За оваа уникатна вечера, гостите ќе треба да издвојат 3.200 норвешки круни, што е приближно 399 евра, со можност да доплатат дополнителни 267 евра за вино или околу 160 евра за безалкохолни пијалоци.

@marieriksmoen Most spectacular restaurant in Norway! #restaurant #spectacular #michelin #michelinstar #iristherestaurant #hardangerfjord #norway ♬ Theme from “A Summer Place” – Percy Faith And His Orchestra

Поради сезонската и локалната природа на јадењата, веганите, вегетаријанците и оние со одредени ограничувања во исхранат нема да бидат услужени.

„Лососовото око“ (Salmon Eye) е најголемата пловечка уметничка инсталација во светот. Оваа челична инсталација, која е висока над 14 метри и се протега на четири нивоа (над и под водата), е дело на архитектонското студио “Кворнинг дизајн“ (Kvorning Design).