Британката Ребека Хобсон со партнерот купила куќа пред повеќе од 10 години во Кент, Англија, но не знаела што се крие под нивниот двор. Ребека и Дарен решиле поблиску да го истражат својот двор за време на пандемијата на коронавирус, а она на што наишле целосно ги шокирало, пишува „Мирор“.

Нивното откритие Ребека одлучила да го сподели на социјалните мрежи. Таа објавила видеа на ТикТок од прошетката низ тунелите и засолништето за кое се верува дека штитело околу 200 жени и деца за време на германското бомбардирање во Втората светска војна.

Внатре, Ребека и Дарен нашле играчка пиштол, стари шишиња, стапици за стаорци и чинии. Шокантите видеа од прошетката го покажуваат патот кој води во тунелот, откривајќи влажен ходник широк еден метар. Друг премин продолжува околу 50 метри и завршува со ќорсокак.

„Кога се вселивме во куќата, не знаевме дека таму има тајно засолниште. Некои од мештаните ни рекоа дека можеби има некои остатоци од војната во нашиот двор. Сфативме каде е влезот, но не сакавме да преземеме ништо. Дури кога ни здодеа да живееме под ‘клуч’, почнавме да истражуваме. Најдовме стари написи во весниците за ова засолниште што го направиле поради опасноста од воздушни напади. Бил изграден за жени и деца, има и други работи внатре од 1940-тите“, рече таа.

Видеата на Ребека собраа стотици илјади прегледи. Таа им објаснила на следбениците како додале осветлување во бункерот и дека на локалното училиште му понудиле да ги донесе учениците во обиколка.

@bexh5 Finding an Air raid shelter in our garden. Part 3 – The video tour. We added the lights to save carrying torches. 😊#airraidshelters #wartime #history #england #coolplaces #fyp ♬ Good Times – Bruno Boe

@bexh5 A few comments asking to see whats on the other side of the wall at the other end. Here it is. 😁#airraidshelters #wartime #history #england #coolplaces #fyp ♬ Aesthetic Vibes – sxldi