Вчера во Скопје се одржа премиерата на долгоочекуваниот светски филмски хит „Barbie“, а овој настан не го пропушти ни водителката и инфлуенсерка Марјана Станојковска.

Со нејзините препознатливи руси кадрици, насмевката и долгите нозе, облечена во розово фустанче со циркони и сандали на високи потпетици, македонската Барби, ги сврте кон себе сите погледи во киното.

„Сите Барбики на едно место. Здраво Барби. Здраво Кен“ – напиша таа на својот Инстаграм.

Пред прикажувањето на филмот, таа се фотографираше со девојчињата и дамите кои беа облечени во розово, исто како куклата Барби, а кои со нетрпение ја очекуваа скопската премиера.

Водителката не пропушти да се фотографира и во „кутијата за кукли“ со името „Barbie“, но и покрај фигурата на Рајан Гослинг, кој во филмот го глуми ликот на Кен.

Марјана навести уште пред неколку дена дека ќе биде македонската Барби, кога на Инстаграм Стори објави неколку свои стари фотки со филтер Барби.