„Снежана и седумте џуџиња“ е уште една бајка во низата која ќе добие своја играна филмска адаптација. Нежната убавица, која е омилен лик на многу деца ширум светот, ќе ја одигра младата актерска надеж Рејчел Зеглер, а злобната кралица ќе ја отелотвори веќе докажаната Гал Гадо.

Новиот филм „Snow White“ ќе пристигне во киносалите ширум светот во март следната година.

Зеглер неодамна го искажа своето мислење за оригиналниот анимиран филм на „Дизни“ – „Snow White and the Seven Dwarfs“ (1937), за кој смета дека е „морничав и воајерски“.

Во разговор за „Екстра Ти-ви“, таа откри дека не е голема обожавателка на оригиналната принцеза на „Дизни“, а принцот од приказната го нарече „демнач“.

„Оригиналниот цртан филм е од 1937 година, а и многу е очигледно дека е (од тогаш). Фокусот е на нејзината љубовна приказна со момче кое буквално ја демне. Чудно! Затоа не го направивме тоа овој пат. Ние имаме поинаков пристап кон она што, сигурна сум, многумина ќе претпоставуваат дека е љубовна приказна само затоа што ќе има принц во филмот“, изјави Зеглер во интервјуто.

„Сите сцени со принцот Ендру можеби ќе бидат скратени, којзнае? Душо, ова е Холивуд! Само сметам дека веќе не е 1937 година. Снежана нема да биде спасена од принцот и таа нема да сонува за вистинска љубов. Таа сонува за тоа да стане лидерка, каква што и нејзиниот покоен татко ѝ рекол дека може да биде ако е бестрашна, искрена, храбра и чесна“, додаде актерката.

Дел од обожавателите на приказната за Снежана, но и на сите анимирани филмови на „Дизни“, се разочарани од ставовите на Зеглер и ја искритикуваа за начинот на кој размислува.

„Не е антифеминистички ако една жена сака да се заљуби, да стапи во брак, да биде домаќинка и да биде нежна жена. Ниту една од овие работи не ве прави помалку вредни како жени. Критикувањето на принцезите од филмовите на „Дизни“ не е феминистичко. Не секоја жена сака да биде лидерка. Не секоја жена има желба да биде моќна. И тоа е во ред. Ставот дека жената е помалку вредна само затоа што сака да се заљуби или затоа што прифаќа туѓа помош, наместо сама да ги реши своите проблеми, не е феминистички“, изјави една корисничка на платформата ТикТок, чие видео има повеќе од 9 милиони прегледи.

@cosywithangie Just because a woman values something different, does not make her any less valuable. Some women want a career and not marriage. Some women want a marriage or family and not a job. Some women want BOTH. All are to be heard, and seen, and valued. Write stories about ALL women and depict them ALL as valuable and worthy, instead of trying to mold them into one specific image of what you deem worthy. Thank you. #snowwhite #snowwhiteliveaction #snowwhitecontroversy #disney ♬ original sound – Angie | Self Care