Џенифер Лоренс, која во минатото отворено го критикуваше Доналд Трамп, одлучи да го промени својот пристап и повеќе да не зборува јавно за тековната политичка ситуација и за американскиот претседател. Својата одлука Џенифер Лоренс ја објасни во поткастот на Њујорк Тајмс, „Интервју“.

„Не знам дали треба“, рече Лоренс (35) кога ја прашаа дали би го коментирала Трамп отворено, како што правеше за време на неговиот прв мандат.

„Првата администрација на Трамп беше толку луда. Како дозволивме тоа да се случи? Се чувствував како да трчам наоколу како кокошка без глава. Како што научивме од избори во избори, славните личности немаат влијание врз тоа за кого луѓето гласаат“, заклучи таа. „Па што правам јас? Само го изнесувам своето мислење за нешто што ќе додаде масло на огнот што ја разорува оваа земја. Толку сме поделени.“

Лоренс исто така објасни дека не сака нејзините политички убедувања да ги одвратат луѓето од гледање филмови за кои се надева дека ќе „ја променат свеста или светот“. Таа додаде:

„Ако не можам да кажам нешто што нуди некаква форма на мир или решение, едноставно не сакам да бидам дел од проблемот. Не сакам да ја влошувам ситуацијата.“

Jennifer Lawrence Admits Why She Stopped Talking About Donald Trump https://t.co/daGP89Ghg0

— People (@people) November 5, 2025

Активизам преку продукција

Иако одлучи да престане јавно да зборува за Трамп, Лоренс рече дека се надева нејзината работа да ги одразува нејзините политички ставови. Нејзината продукциска куќа r има направено документарци кои обработуваат теми од талибанците во Авганистан до забраната на абортус во Тексас.

„Многу филмови што излегуваат од мојата продукциска куќа прикажуваат политички прашања, па затоа чувствувам дека на тој начин можам да бидам корисна“, рече таа за документарците на нејзината компанија.

Претходни изјави за Трамп

Лоренс отворено призна дека жали за она што го кажала за време на првиот мандат на Трамп. Неговиот втор мандат, вели таа, изгледа поинаку. „Бидејќи кажа што ќе направи“, додаде. „Знаевме што направи четири години. Беше многу јасен. И тоа е она што го избравме.“

Да потсетиме, пред првиот мандат на Трамп, глумицата во 2015 година изјави дека неговиот избор за претседател ќе биде „крај на светот“. По неговата победа, рече дека ѝ „експлодирала главата“ и дека се чувствувала „немоќно, исплашено и скршено“.

Во октомври 2020 година откри дека „пораснала како републиканка“, но дека „сè се променило кога Доналд Трамп бил избран“.