Планинарот од Пехчево, Марјан Митриновски пред малку упати драматичен апел за помош од местото на пожарот во непосредна близина на Пехчево. Митриновски на својот Фејсбук профил напиша:

„Луѓе! Пожарот во близина на Пехчево се шири на сите страни. Помош!!!“, проследено со неколку фотографии и видео-снимки на кои се гледа како гори густа борова шума.

Митриновски уште вчера извести за ширење на пожарот во пошироката околина на Пехчево, каде самиот учествуваше во гаснењето на огнената стихија. Според најновите податоци на Центарот за управување со кризи, во 13 часот пожарот се рашири во насока на селата Робово, Умлена и Чифлик, а на ширењето му погодува силниот ветер кој ги разгорува огнените јазици. Од ЦУК информираат дека на терен се пожарникарите, припадниците наАрмијата, а во секој момент се очекува да пристигне и специјална ПП единица од Словенија.

„Има јавување од терен дека пожарот нагло се проширил накај Негрево и сега оди директно накај Пехчево“, алармираат од локалното население на социјалните мрежи.