ФОТО: Заврши снимањето на филмот „Малата сирена“
Филмската верзија на „Малата сирена“ завршила со продукција, според објавата на „Инстаграм“ профилот на Хали Бејли која ќе ја толкува улогата на Ариел.
Бејли се огласила на нејзиниот инстаграм-профил за да ја изрази својата благодарност за колегите, екипата и искуството за време на снимањето, нагласувајќи колку искуството „ја направило посилна“ отколку што некогаш мислела дека може да биде и колку е возбудена публиката да го види филмот кој е очекуван со многу ентузијазам.
View this post on Instagram
На фотографијата е прикажана Бејли во костум на Ариел како лежи во океанот, а зад неа зајдисонцето. Во описот исто така им се заблагодарува на нејзините колеги, вклучувајќи ги Мелиса Мекарти (Урсула), Хавиер Бардем (крал Тритон) и Дејвид Дигс (Себастијан).
View this post on Instagram
Бејли била најавена дека ќе ја толкува улогата на Ариел во 2019 година, што значи дека снимањето на последниот кадар доаѓа две години по изборот.
„Малата сирена“ се придружува на низа други филмски адаптации од „Дизни“, што го прави петтиот филм во официјалната постава, по „Пепелашка“, „Убавицата и ѕверот“, „Аладин“ и „Мулан“.