Аниша Иса Калебиќ (31), внука на аристократот Иса бин Ибрахим, актуелен министер задолжен за премиерскиот кабинет во Брунеи, се омажи за еден од најпосакуваните ергени во Азија, принцот Абдул Матин од Брунеи, пренесува „Пипл“ (People).

Двојката е свршена од ноември минатата година, а свадбената церемонија започнала на 7 јануари и ќе трае девет дена.

Тоа ќе вклучува кралска церемонија, исламска церемонија во џамијата Омар Али Саифудиен и кралска парада околу главниот град Бандар Сери Бегаван.

Иако убавата Аниша се повлече од социјалните мрежи, се појавија нејзини фотографии на кои позира во елегантна венчаница, скроена по нарачка. Судејќи според фотографијата, користена е традиционална брунејанска ткаенина.

Повеќето на социјалните мрежи го пофалија нејзиниот изглед.

– Изгледаш сензационално; Ти сте прекрасна! – напишаа во коментарите.

На свадбата се очекуваат околу 4.000 гости, а меѓу нив има и гости од Хрватска. Наводно, венчавката ќе се одржи во луксузниот хотел „Empire and Country Club“, а се шпекулира дека ќе присуствуваат и принцот Вилијам и Кејт Мидлтон.

Нивната љубовна приказна започнала откако се запознале преку пријатели. Таа и принцот наводно ја делат љубовта кон спортот, па често тренираат заедно.

Аниша потекнува од познато брунејанско семејство, нејзиниот дедо Пехин Датук Хаџи Иса бил советник на тамошниот султан и ко-основач на авиокомпанија.

Синот на султанот од Брунеи се жени со Хрватка: Свадбата на најпосакуваниот ерген ќе трае 10 дена