Најпосакуваниот ерген на светот, принцот од Брунеи, Абдул Матин, следната година во јануари ќе се ожени со Аниша Иса Калебиќ, девојка со хрватски корени.

Таткото на Аниша е Ивица Калебиќ, роден во Загреб, татко му е од Шолта, а мајка му од Чиово. Како што велат Шолтанските приказни, на 17 години Ивица заминал од Сплит и отишол кај Чехинка во Лондон, но љубовта не траела. Во Англија, тој ја запознал Мерием од Брунеи, ќерка на десната рака на султанот и поранешен министер за надворешни работи на Брунеи, Пехин Датук Иса. Со неа имал неколку деца, меѓу кои и ќерката Аниша.

Според членовите на семејството, Аниша и принцот од Брунеи биле во врска пет години. Тие се познаваат уште од детството, бидејќи нејзиниот дедо Пехин Датук Иса бил советник на султанот Хасанал Болкиах, таткото на принцот.

– Љубовта се случи после толку години познанство. Аниша е прекрасна девојка, не само затоа што е „наша“, туку затоа што е толку добра и едноставна. Принцот е исто таков, кога се сретнавме ме прегрна и бакнуваше како секој друг човек, изјавила една членка од семејството Калебиќ.

Таа додава дека во Брунеи била и бабата на Аниша од Чиово, која лично го видела султанот на поворката.

– Покрај тоа што е убава личност, Аниша е многу паметна девојка. Родена е во Лондон, каде завршила факултет и најнормално го зборува хрватскиот јазик – раскажала братучетката на Аниша.

Инаку, Аниша е сопственичка на компанија за производство на свила и на туристичка агенција. Синот на султанот е познат како најпосакуваниот ерген бидејќи е син на најбогатиот султан во светот, чие богатство достигнува 28 милијарди долари.

Нивната свадба закажана за јануари следната година ќе трае десет дена. Султанот е пријател со многу светски монарси, па затоа бил пријател и со кралицата Елизабета Втора. и нејзиниот сопруг принцот Филип. Откако во 2011 година Султанот бил на свадбата на Кејт Мидлтон и принцот Вилијам, светските медиуми шпекулираат дека и тие ќе бидат гости на венчавката. Самиот принц од Брунеи, Абдул Матин, беше на последното збогување на кралицата Елизабета Втора. минатата година во септември.