Фудбалскиот клуб Брегалница го продолжи победничкиот поход во Втората лига – Исток откако попладнево славеше во Штип над Кит Го со резултат 2:0.

За првпат во второлигашкото друштво правдата ја делеше женска судиска четворка предводена од Ирена Велевачкоска од Прилеп. Нејзини асистентки во текот на мечот беа Билјана Миланова, Елена Соклеска Илиевски и Ивана Пројковска, сите од Скопје.

Брегалница со головите на Дарко Додев дојде до нов триумф и уште еден доказ дека играчите на тренерот Секуловски имаат сериозни амбиции следната година да се вратат во Првата лига.

Втора лига – Исток, резултати 15 коло:

Брегалница Штип – Кит Го 2:0, Кожув – Росоман 3:2, Осогово – Победа 2:0, Плачковица – Каменица Саса 1:1, Тиквеш – Слога Виница 4:2.

Табела: Брегалница 39 Тиквеш 34, Кожув 25, Слога Виница 20, Кит Го 19, Каменица Саса 17, Осогово 16, Победа 13, Плачковица 11, Росоман 8.

Втора лига – Запад, резултати 15 коло:

Дрита – Велешта 0:1, Скопје – Гостивар 4:0, Кадино – Кораби 0:1, Вардар Форино – Охрид 0:1, Велазерими – Тетекс 0:2.

Табела: Скопје 36, Велешта 29, Гостивар 27, Охрид 25, Кораби 24, Велазерими 22, Кадино 15, Вардар Форино 13, Тетекс 10, Дрита 7.