ФОТО | Војвотката од Кембриџ во патики од 6.000 денари: Удобност пред сè за Кејт Мидлтон

Додека дизајнерите се молат Војвотката од Кембриџ да одбере нивна креација за бројни поводи и настани, Кејт ужива во лежерните комбинации на облека од деним – брендови.

Иако здивот ни застанува кога Мидлтон е облечена во некоја блескава и елегантна креација, нејзината природна убавина доаѓа до израз кога е во елегантно – спортска комбинација на облека.

Последно Кејт беше забележана во светол џинс, блуза и спортско палто со нежно портокалово – розева боја од од брендот „CHLOÉ“ чија цена е 2.000 евра.

Овој пат вниманието го привлекоа обувките на војвотката. Кејт се одлучи за својот омилен модел на патики – кожа, едноставна и бела со препознатлив знак „V“, потпишан од францускиот бренд „Veja“. Станува збор за квалитетен модел чија цена е околу 100 евра, а може да се комбинира со џинс, панталони или летни лелеави здолништа.