ФОТО + ВИДЕО | Во Малме има Музеј на одвратна храна: Наместо билети делат ќеси за повраќање
Шведскиот град Малме во последните денови добива посебно внимание поради Евровизија. Има многу туристи токму поради настанот, но овој град има многу повеќе да понуди. Една од најинтересните активности во овој град е дефинитивно одењето во Музејот на одвратна храна, резервиран само за најхрабрите.
Отворен во 2018 година, овој музеј е главна атракција во Малме, а на „TripAdvisor“, Музејот на одвратна храна е рангиран на првото место на листата од 94 работи што треба да се прават во Малме.
Музејот е посветен на храната од целиот свет за која некои луѓе сметаат дека е одвратна или одбивна, а моментално има над 80 експонати од храна и пијалоци кои посетителите можат да ги видат, мирисаат и ако се доволно храбри, да ги вкусат. Интересно е што наместо билет, овде посетителите добиваат ќеса за повраќање, која веќе на самиот почеток дава навестување дека во овој музеј има нешто навистина одвратно.
@disgustingfoodmuseum Have you tried this cheese? 🧀 Get a free goodie bag when you the Disgusting Food Museum in Malmö, Sweden. Just let us know you have seen us on social media👜 @Disgusting Food Museum #disgustingfoodmuseum #cheese #sardinia #culturefood ♬ r&b loop – Official Sound Studio
За почеток, на менито има „Surströmming“, ферментирана шведска харинга која се смета за една од најсмрдливите намирници во светот (наводно мириса на гнилеж), како и „casu marzu“, сирење полно со живи црви од Сардинија.
Но, тоа не е сѐ. Други јадења вклучуваат Дуриан, познатото смрдливо овошје од Тајланд, пенис од бик, печени заморчиња од Перу, смрдливо тофу од Кина, сушени смрдливи бубачки од Зимбабве, кунгу торта направена од мелени муви, пржени скакулци, сок од жаба, вино од глушец и буре со оризово вино со околу двесте бебиња глодари.
Овој музеј е отворен секој ден од 11 до 17 часот, а можете да влезете до 16 часот. Цената на билетот е 19 евра за возрасни, 15 евра за студенти и пензионери, 7 евра за деца од 6 до 15 години, а влезот е бесплатен за деца до 6 години.
@disgustingfoodmuseum She tried June beetle, here’s what happened. #disgustingfoodmuseum #insect #museum #fördig #foryou #fypシ #yourpage #insects #junebeetle ♬ r&b loop – Official Sound Studio